Новости

МЕЃУЕТНИЧКА ИНТЕГРАЦИЈА НА МЛАДИТЕ ВО ОБРАЗОВАНИЕТО

Денес,во рамките на проектот на УСАИД за меѓуетничка интеграција на младите во образованието,беше остварена посета од висока делегација на УСАИД,предводена од г-динот Дејвид Браун,Деск-офицер за Македонија,УСАИД Вашингтон.
Станува збор за петгодишна иницијатива,имплементирана од Македонскиот центар за граѓанско образование ,во соработка со Министерството за образование и наука,клучни образовни институции и сите општини и училишта во Македонија.
Во рамки на денешната посета,се оствари и заедничка средба меѓу високиот претставник од УСАИД и Градоначалникот на Општина Бутел г-дин Велимир Смилевски,на која учествуваа и преставници од општината,директорот на ОУ Живко Брајковски,ученици,родители и членови на тимот за училишна интеграција (СИТ),членови на тимот на самиот проект.Предмет на дискусијата беше самата важност на процесот на меѓуетничка интеграција во образовниот систем,влијанието на училишните активности преку кои се овоможува интеракција,кохезија и соработка меѓу младите луѓе од различни етнички заедници.
При посетата на ОУ” Живко Брајковски”,како носител на овој проект беа презентирани резултатите од младинските иницијативи (пешачки премин) како и презентација на резултатите од заедничките ученички активности (3Д Сончев систем,корпи за рециклирање и рачни изработки).
Градоначалникот Велимир Смилевски,истакна дека општина Бутел останува и понатаму активен учесник во проекти од ваков тип,преку кои ќе се промовира меѓуетничката интеграција на ниво на училиштата и заедницата,додека нашата општина да послужи како пример за останатите меѓуетнички општини да се вклучат во активности од ваков карактер.

 

               

ДЕВЕТА РЕДОВНА СЕДНИЦА НА СОВЕТОТ ЗА РАЗВОЈ НА СКОПСКИ ПЛАНСКИ РЕГИОН

На ден 30.11.2018 година во просториите на Општина Бутел се одржа деветтата Седница на Советот за развој на Скопски Плански регион. На Седницата претседаваше Претседателот на Советот за развој на Скопски плански регион, Градоначалникот на Општина Гази Баба, г-дин Борис Георгиевски и раководителот на Центарот за развој на Скопски плански регион г-ѓа Розета Арсовска. На седницата присуствуваа градоначалниците од Скопскиот регион.
Тема на разговор и одлучување беа повеќе точки на дневниот ред,меѓу кои предлог-проекти за финансирање од страна на МЛС/БРР за 2019 година,утврдување на приоритетна листа на проекти за аплицирање до МЛС/Биро за регионален развој,како и изборот на новиот раководител на Скопскиот плански регион.

 

ОТВОРЕН ЕСЕНСКИОТ БАЗАР 2018

 

Денеска во Општина Бутел, на платото пред споменикот на Никола Јонков Вапцаров, беше отворен вториот ,,Есенски базар 2018,,. Тој се одржува по повод 13 ноември, Денот на ослободувањето на Скопје. Градоначалникот, Велимир Смилевски најнапред положи свежо цвеќе на споменикотѕ на поетот и револуционер, НиколаЈонков Вапцаров, а потоа ги поздрави учесниците и посетителите на есенскиот базар. Тој истакна дека е убаво чувството кога се негува традицијата и кога им се оддава признание на вештите раце на ракотворците кои изработуваат прекрасни ракотворби.Свеченото отворање беше збогатено со настапот на учениците од ОУ ,,Ацо Шопов,, и играорците од КУД,,Плетеница,, како и со настапот на пеачката група на пензионерите од Општина Бутел.
На годинешниов есенски базар учествуваат повеќе од 20 ракотворци како од Македонија, така и од Србија, Турција, Босна и Херцеговина, Албанија и од Косово.Оваа година, освен домашните ракотворби (везеници,плетеници, резби, накит ),посетителите на есенскиот базар можеа да вкусат и пити со тиква.Вториот есенски базар кој е во организација на Општина Бутел и Здружението,, Арти крафт,, од Скопје ќе биде отворен денеска и утре ( вторник и среда) од 10,00-18,00 часот.

 

Општината Бутел за сработеното во првата година

Обраќање на градоначалникот Велимир Смилевски по повод една година од стапувањето на функцијата

 

Почитувани,
Изминува првата година од мојот мандат и ред е да направам отчет за сработеното.
Општината Бутел во изминатава година реализира повеќе од 50 проекти, манифестации или настани од значење за нејзините граѓани. Се разбира, во оваа пригода ќе се осврнам само на позначајните.

Градежните активности беа забележителни на десетина улици во општината. Темелно се реконструирани улиците: 3 (со три нејзини крака, во вкупна должина од 800 метри), Душко Поповиќ, две улици во Радишани, една во Љуботенски Пат и други.
За потребите на граѓаните во тек е изградбата на шест пешачки патеки, поточно три се веќе готови, со вкупна вредност од 4.300.000 денари.

Значајно е да ја обележиме соработката со градот Скопје и да нотираме дека ја пуштивме во употреба новата делница на булеварот Христијан Тодоровски-Карпош (прва фаза). Го почнавме проширувањето на булеварот Босна и Херцеговина, на потегот од булеварот Словенија до крстосницата со Кемал Сејфула. Исто така, започна изградбата на атмосферската канализација на улицата Александар Урдаревски, на потегот од кружниот тек до семафорот (прва фаза), па до Бутелска (втора фаза).
Грижата за најмладите е континуирана. Сите седум основни училишта подготвено ја дочекаа новата учебна 2017/2018 година. Истото тоа важи и за градинките, со тоа што во две од нив имавме поголеми градежни зафати. Станува збор за седиштето на ЈУ детска градинка „11 Октомври“ и клонот „Ташко Караџа“ во Радишани, во кој темелно беше реновиран одделот за јасли.

За нормално и безбедно функционирање на општината Бутел во ноќните часови, поставени се неколку десетици нови електрични столбови и канделабри на повеќе локации. Обновени се светилките во дворовите на сите основни училишта и градинки. Континуирано се одржува постојното улично осветлување на целата територија на општината.

Во текот на изминатата година, покрај тековното одржување, почнавме и две есенски и една пролетна акција за темелно чистење на општината. Се уште е актуелна долгорочната акција за собирање електронски отпад.
Одржани се повеќе културни манифестации како: ликовната колонија „Љубанци 2018“, етноизложбата „Цветници“, ликовната изложба на над 50 дела од ликовните колонии одржани во претходните три години „Љубанци 2015/16/17“, Есенскиот базар, Љубанскиот карневал, првиот фестивал на лубеницата „Љуботен 2018“ и други.
Исто така, одржавме и голем број настани со кои одбележивме значајни датуми, како што се: Светскиот ден на мирот, роденденот на поетот и револуционер Никола Јонков-Вапцаров, Европската недела на спортот, Првата детска олимпијада, а одбележивме и еден поинаков 8 Март, со кој ја нагласивме вистинската грижа за жените. Имено, во рамките на проектот беа направени неколку стотини превентивни прегледи на жените од општината: тумор-маркери, преглед на гради, проверка на шеќер и маснотии во крвта и друго.

Треба да се обележи и проектот со кој се вработија 14 лични асистенти што ќе се грижат за децата со посебни потреби во основните училишта во општината Бутел.
На крајот, направивме колку што можевме во првата измината година од моето стапување на функцијата градоначалник на општината Бутел. Сето она што не стигнавме да го направиме во првата, ќе го реализираме во втората година од мојот мандат.

(more…)

ЗАВРШИ ПРВАТА ДЕТСКА ОЛИМПИЈАДА

Петок, 05.10.2018 г. во Општина Бутел се одржа првата ,,Детска Олимпијада,, за дечињата од градинките на нејзина територија.

Детските спортски игри се оджаа по повод ,,Неделата на детето,, но и во пресрет на патрониот празник на ЈУ Градинка ,,11 Октомври,,.

На спортската олимпијада учество зедоа над 200 дечиња од сите 6 објекти (клонови) на ЈУ ,,11 Октомври,,.

Дечињата се натпреваруваа во следните екипни спортски игри: Протнување, прерипување на пречки, скокање во обрач, хулахопот се движи, колут, качување по скали и влечење на јаже.

Најмалите спортисти во Општина Бутел, цело време беа бодрени од многубројната публика од родители, баби и дедовци, учителки, а најмногу од градоначалникот Велимир Смилевски кој беше покровител на оваа исклучителна манифестација.

Сепак,  во бодрењето најгласни беа младите спортисти кои во минатото биле згрижени и растени во градинката ,,11 Октомври,, како што се Ана Јаневска – младинска рекордерка на Мекедонија во пливање, Кристијан Гурмишевиќ – македонски младински ракометен репрезентативец и др.

На крајот сите беа победници и затоа добија по еден златен медал од градоначалникот Велимир Смилевски. Тој воедно им посака секогаш да бидат трудољубиви, да го сакаат спортот и да ги следат успесите на присутните младински спортски репрезентативци, кои се веќе гордост на Општина Бутел.

(more…)

ПОЧНА ЕСЕНСКОТО ЧИСТЕЊЕ ВО БУТЕЛ

Денеска, понеделник, 17.09.2018 г. почна есенското чистење во Општина Бутел. Екипи на јавните градски претпријатија ,,Комунална Хигиена,, и ,,Паркови и зеленило,, ја започнаа тридневната акција за чистење на улиците и тротоарите, косење на тревата на јавните површини, кастрење на сувите гранки од дрвјата и др. Од паркови и зеленило беше донесена и огромна корпа за хортикултурно уредување на зеленилото кај кружниот тек. Заради топлото време ќе се почека со садењето на зимските цвеќиња на кои им се потребни пониски температури.

Инаку, градоначалникот Велимир Смилевски изрази задоволство од стартот на оваа акција за чистење на Општина Бутел која ќе трае три дена. Исто така, падна договор со директорите на јавните претпријатие да се среди просторот долж улицата ,,Цетинска,, кај старите напуштени отпади.

     

НОВ ПАРК ПО ПОВОД СВЕТСКИОТ ДЕН ЗА ЧИСТЕЊЕ

Денеска, петок, 14.09.2018 г. Општина Бутел по повод и во пресрет на Светскиот ден на глобалното чистење (15 септември), почна со средување на просторот помеѓу пазарот и маркетот ,,Рептил,,. Станува збор за едно запуштено место или ничиј простор, од аспект на грижата, кој сепак, беше видлив од сите страни. Затоа превземена е акција од страна на вработените во Општина Бутел, да се стават рабници за симболично оградување на просторот од околу 170 м2. Внатрешниот дел во кој има неколку повеќегодишни дрва, хортикултурно ќе се уреди, а ќе биде поставена и урбана опрема.

Градоначалникот Велимир Смилевски посочи дека е добро што има вакви денови кога не само што го чистиме и средуваме просторот околу нас, туку ја јакнеме и ја подигаме свеста на вработените и на граѓаните на Општина Бутел.

ВРАБОТЕНИТЕ ВО ОПШТИНАТА НА АКЦИЈА ЗА ЧИСТЕЊЕ

Денеска, петок, 14.09.2018 г. вработените во Општина Бутел се приклучија во одбележувањето на Светскиот ден на глобалното чистење (15 септември).

Вработените во општинската администрација, заедно со градоначалникот Велимир Смилевски, ја чистеа поблиската и пошироката околина на општинската зграда ( околу амбулантата, споменикот и паркот, паркинзите, пазарот, училиштето, градинките, трговскиот центар и.т.н). Вработените во Оштината беа поделени во осум групи и чистеа на веќе споменатите локации. За два часа колку што траеше акцијата беа наполнети повеќе десетици големи најлонски кеси со смет, кој беше расфрлен по тротоарите на улиците, паркинзите, јавните површини и во дворовите на јавните институции.

СЕ ОДРЖА ОБУКАТА ЗА ОРГАНИЗИРАЊЕ РЕФЕРЕНДУМ НА ЛОКАЛНО НИВО

Денеска, 04.09.2018 г. во  Општина Бутел се одржа предавањето во врска со проектот: ,,Јакнење на капацитетите за спроведување на референдум на локално ниво,,. Присутни беа претставници на месните и руралните заедници. Вработени во општинската администрација и во образовните институции, како и претставници од невладиниот сектор.

Проектот беше поздравен од градоначалникот Велимир Смилевски, кој истакна дека во иднина ќе бидат реализирани референдуми на локално ниво за прашања кои се во надлежност на Општина Бутел, а се во интерес на нејзините граѓани.

Проф. д-р Дарко Спасевски од правниот факултет ,,Јустинијан Први,, од Скопје, во своето воведно излагање го претстави проектот  кој се однесува на општините што се во рамките на Град Скопје, и додаде дека идејата за негова реализација произлегла од претходно одржаните референдуми на локално ниво во повеќе општини, главно за рудниците, кои на крајот беа поништени од Уставниот суд на Република Македонија.

На темата ,,Како се организира референдум на локално ниво?,, предавање одржа Проф. д-р Ивана Шумановска Спасовска, исто така од  правниот факултет која во детали ја опиша важноста на локалните референдуми, какви видови на референдуми може има, законската процедура за нивно организирање и спроведување, терминологијата и др.

Инаку, проектот ,,Јакнење на капациетите за спроведување на референдум на локално ниво,, е во реализација на Институтот за стратешки истражувања  и едукација – ИСИЕ. Проектот е финансиран од Европската Унија.

Локалната самоуправа на Општина Бутел по повод празникот Курбан Бајрам упатува честитка до сите верници од исламска вероисповед, им посакува наjискрени честитки за добро здравје, бериќет, среќа и духовно прочистување.

Првиот ден од Курбан Бајрам е неработен ден за сите граѓани од исламска вероисповед.