Category: Новости

ПОЧНА ЕСЕНСКОТО ЧИСТЕЊЕ ВО БУТЕЛ

Денеска, понеделник, 17.09.2018 г. почна есенското чистење во Општина Бутел. Екипи на јавните градски претпријатија ,,Комунална Хигиена,, и ,,Паркови и зеленило,, ја започнаа тридневната акција за чистење на улиците и тротоарите, косење на тревата на јавните површини, кастрење на сувите гранки од дрвјата и др. Од паркови и зеленило беше донесена и огромна корпа за хортикултурно уредување на зеленилото кај кружниот тек. Заради топлото време ќе се почека со садењето на зимските цвеќиња на кои им се потребни пониски температури.

Инаку, градоначалникот Велимир Смилевски изрази задоволство од стартот на оваа акција за чистење на Општина Бутел која ќе трае три дена. Исто така, падна договор со директорите на јавните претпријатие да се среди просторот долж улицата ,,Цетинска,, кај старите напуштени отпади.

     

НОВ ПАРК ПО ПОВОД СВЕТСКИОТ ДЕН ЗА ЧИСТЕЊЕ

Денеска, петок, 14.09.2018 г. Општина Бутел по повод и во пресрет на Светскиот ден на глобалното чистење (15 септември), почна со средување на просторот помеѓу пазарот и маркетот ,,Рептил,,. Станува збор за едно запуштено место или ничиј простор, од аспект на грижата, кој сепак, беше видлив од сите страни. Затоа превземена е акција од страна на вработените во Општина Бутел, да се стават рабници за симболично оградување на просторот од околу 170 м2. Внатрешниот дел во кој има неколку повеќегодишни дрва, хортикултурно ќе се уреди, а ќе биде поставена и урбана опрема.

Градоначалникот Велимир Смилевски посочи дека е добро што има вакви денови кога не само што го чистиме и средуваме просторот околу нас, туку ја јакнеме и ја подигаме свеста на вработените и на граѓаните на Општина Бутел.

ВРАБОТЕНИТЕ ВО ОПШТИНАТА НА АКЦИЈА ЗА ЧИСТЕЊЕ

Денеска, петок, 14.09.2018 г. вработените во Општина Бутел се приклучија во одбележувањето на Светскиот ден на глобалното чистење (15 септември).

Вработените во општинската администрација, заедно со градоначалникот Велимир Смилевски, ја чистеа поблиската и пошироката околина на општинската зграда ( околу амбулантата, споменикот и паркот, паркинзите, пазарот, училиштето, градинките, трговскиот центар и.т.н). Вработените во Оштината беа поделени во осум групи и чистеа на веќе споменатите локации. За два часа колку што траеше акцијата беа наполнети повеќе десетици големи најлонски кеси со смет, кој беше расфрлен по тротоарите на улиците, паркинзите, јавните површини и во дворовите на јавните институции.

СЕ ОДРЖА ОБУКАТА ЗА ОРГАНИЗИРАЊЕ РЕФЕРЕНДУМ НА ЛОКАЛНО НИВО

Денеска, 04.09.2018 г. во  Општина Бутел се одржа предавањето во врска со проектот: ,,Јакнење на капацитетите за спроведување на референдум на локално ниво,,. Присутни беа претставници на месните и руралните заедници. Вработени во општинската администрација и во образовните институции, како и претставници од невладиниот сектор.

Проектот беше поздравен од градоначалникот Велимир Смилевски, кој истакна дека во иднина ќе бидат реализирани референдуми на локално ниво за прашања кои се во надлежност на Општина Бутел, а се во интерес на нејзините граѓани.

Проф. д-р Дарко Спасевски од правниот факултет ,,Јустинијан Први,, од Скопје, во своето воведно излагање го претстави проектот  кој се однесува на општините што се во рамките на Град Скопје, и додаде дека идејата за негова реализација произлегла од претходно одржаните референдуми на локално ниво во повеќе општини, главно за рудниците, кои на крајот беа поништени од Уставниот суд на Република Македонија.

На темата ,,Како се организира референдум на локално ниво?,, предавање одржа Проф. д-р Ивана Шумановска Спасовска, исто така од  правниот факултет која во детали ја опиша важноста на локалните референдуми, какви видови на референдуми може има, законската процедура за нивно организирање и спроведување, терминологијата и др.

Инаку, проектот ,,Јакнење на капациетите за спроведување на референдум на локално ниво,, е во реализација на Институтот за стратешки истражувања  и едукација – ИСИЕ. Проектот е финансиран од Европската Унија.

НОВО ОСВЕТЛУВАЊЕ ВО ВИЗБЕГОВО

Деновиве, Општина Бутел го заврши поставувањето на ново улично осветлување на улицата ,,1550,, во индустриската зона Визбегово.

Поставени се 27 метални столбови, на кои се инталирани 27 натриумови светилки. Со новото осветлување  победена е темнината на оваа улица во должина од 600 м.

Изведувач на работите е фирмата КОД Инженеринг од Скопје.

Средствата се обезбедени од буџетот на Општина Бутел. (more…)

Полицијата и граѓаните – заедно за поголема безбедност на Бутел

Одделението за превенција при СВР Скопје во соработка со
општина Бутел вчера ( понеделник, 16.07.2018 г. ) пред
паркингот на ,,Рептил,, ја започнаа кампањата за превенција
од имотни деликти, која што е дел од проектот „Полицијата и
граѓаните – заедно за поголема безбедност на Бутел“. Имено,
на паркингот пред ,,Рептил,, беше поставен информативен
штанд и од страна на полициските службеници беше поделен,
едукативен материјал (флаери) со совети како да се спречат
провалните кражби во станови и куќи како и флаери од
реализирани превентивни ативности и кампањи на полицијата
на граѓаните.

Ваквата пракса ќе продолжи и во текот на
месеците јуни, јули и август, а освен тоа во соработка со
локалната самоуправа ќе се одржуваат средби со граѓаните на
кој истите ќе се едуцираат како да се заштитат од кривични
дела во текот на летниот период, особено за време на
годишните одмори, односно ќе се даваат совети како да се
спречат провалните кражби во нивните домови, кражбите
(џебни, дрски), разбојништва и тешките кражби во возила.
Во текот на средбите од страна на полициски службеници од
ПС ОН Бутел ќе се изврши дистрибуирање на плакати на
куќните совети, месни и урбани заедници со цел нивно
истакнување на видни места на објектите.
Целта на проектот е подобрување на личната и севкупната
безбедност, зголемување на безбедноста на имотите на
граѓаните, намалување на бројот на извршени кривични дела,
едукација на граѓаните за постапување при забележување на
сторител на кривично дело како и градење на доверба и
подобра комуникација на граѓаните и полицијата.

,,ЛЕТО БЕЗ ПОЖАРИ,, – Кампања за зголемување на свеста кај граѓаните

Вчера, 11.07.2018 г. одделението за превенција на СВР Скопје заедно со градоначалникот на Општина Бутел, г-дин Велимир Смилевски ги информираа дел од учесниците во сообраќајот за опасноста од пожар кој може да се предизвика дури само со еден фрлен отпушок од цигара и кои се последици може да ги предизвика пожарот.

Oсновна цел е превентивно делување во насока на намалување на бројот на предизвикани пожари од невнимание од страна на граѓаните, преку подигање на свеста во однос на заштита и зачувување на зелените и шумските површини, како и подобрување на личната и севкупната безбедност на граѓаните.

Праксата покажува дека преземањето на проактивни превентивни мерки останува неопходно и понатаму, особено во летниот период како најризичен за појава на пожари во големи размери.

ФЕСТИВАЛ НА ЛУБЕНИЦАТА ,,ЉУБОТЕН 2018″

На 04.07.2018 г. (среда), во Љуботен со почеток во 17,00 ч.
ќе се одржи првиот фестивал на лубеницата во Општина Бутел.
Градоначалникот Велимир Смилевски ќе ја отвори оваа
прва манифестација со која се слават летните слатки и
освежителни плодови типични за Општина Бутел, лубениците и
дињите.
Четиринаесет производители на бостан од Општината, ќе
ги изложат своите производи во дворот на ОУ ,,Лиман Каба,, за
што ќе им бидат доделени соодветни признанија.
Исто така, ќе има богата културно-уметничка програма, а
присутните ќе можат да вкусат, освен љубеница и диња, и
повеќе специјалитети карактеристични за жителите од Љуботен.
На овој прв фестивал на лубеницата, освен
градоначалникот Велимир Смилевски, ќе се обрати и министерот

за земјоделие, Љупчо Николовски, заменик-градоначалникот на
Опшина Бутел, Наим Салиу и др.

ЛИКОВНА ИЗЛОЖБА НА НАТАША РАДОСАВЉЕВИЌ

Денеска, 14.06.2018 во холот на Општина Бутел беше отворена ликовната изложба на уметницата и поетеса од Белград, Наташа Радосављевиќ.

Пртеставени се нејзини 15 ликовни дела насликани во техниката масло на платно.

Видната српска сликарка и поетеса за првпат учествува на осмата ликовна колонија ,,Љубанци 2018,, што се одржува по осми пат во живописното Љубанци.

Изложбата ја отвори градоначалникот Велимир Смилевски, а свое обраќање имаше и авторката на сликите, Наташа Радосављевиќ, како и конзулот на Монголија во Македонија, Литов Намдаг Јанчивин.

Изложбата ќе биде отворена до 20.06.2018 г