Category: Новости

Општина Бутел подготвена го дочека снегот, фрлени 3 тони сол

Општина Бутел оваа зима подготвено го дочека снегот. Општоната за оваа зимска сезона набави соларка и еден плуг за одржување на сервисните улици што се во надлежност на општината.

 

Како што информираше градоначалникот Велимир Смилевски соларката е со капацитет од 400 л. која е монтирана на едно од двете мини камиончиња. Со набавената механизација е направена добра инвестиција и се надева дека и следната година општината ќе има можност да набави уште едно возило и соларка со цел да се задоволат потребите на граѓаните во Општина Бутел.

 

Како што информираше градоначалникот Велимир Смилевски на улиците во Бутел во изминатите 3 до 4 денови редовно се чисти и фрлени се околу 3 тони сол и 3 тони песок.

 

Градоначалникот Смилевски додаде дека соларката, плугот и багерот се во вредност од околу 4 милиони 182 илјади ден. а средствата се обезбедени од буџетот на Општина Бутел.

 

 

УСАИД ВО АЦО ШОПОВ

Деновиве, за време на училишниот распуст, во ОУ ,,Ацо Шопов,, во н. Радишани владее работна атмосфера. УСАИД ,,влезе,, со 20 000 долари помош за реновирање на одредени делови во ова училиште.
Имено, до почетокот на второто полугодие ќе бидат заменети вкупно 26 врати. Најголемиот дел, 18 врати ќе бидат за училници, 4 врати и два прозори за соблекувалните во фискултурната сала, две врати за вецеата во соблекувалните, две влезни врати во топлиот ходник, кој ќе добие и нови подни плочки.
Во овие активности ќе се вклучи и Општина Бутел со комплетно молерисување на споменатите простории и ставање на нови плочки на ѕидовите околу водените јазли во училниците.

 

НОВА ПЕШАЧКА ПАТЕКА ВО КЛИМЕНТ

ОУ ,,Св. Климент Охридски,, во Бутел 1 доби нова пешачка патека. Имено, долго време од аголот на оградата на училишниот двор на улицата ,,Призренска,, учениците минуваа дијагонално преку средишниот дел на паркот во училишниот двор. Така го кратеа патот до главниот влез на училиштето избегнувајќи ја подалеку поставената главна капија.

Дивото патче сега е официјализирана пешачка патека долга 105 м. изградена од бекатон плочки.

Патеката ја изгради ОСД дооел Скопје, а средствата во висина од 215 340 ден. се обезбедени од буџетот на Општина Бутел.###

 

   

 

РАБОТНО ВО ПЕНКО

 

Во ОУ ,,Петар Здравковски Пенко,, за време на зимскиот распуст, се реновира вториот кат во училиштето. Се менуваат 22 врати на училниците и кабинетите. Се вади ламперијата од ѕидовите на ходниците и се бојадисуваат со мрсна боја. Комплетно се молерисуваат ходниците и аулата на вториот кат.

За потсетување, првиот кат беше комлетно реновиран во текот на летото минатата година.

Исто така, се реновира и главниот влез во училиштето каде што се поставува нов бетон со површина од 400 м2.

Градежните работи ги изведува фирмата ,,ГИВ Груп,, и треба се да е готово до 20 јануари, до почетокот на второто полугодие.

Средствата во висина од 1 770 000 ден. се обезбедени од буџетот на Општина Бутел.###

 

НОВА ПЕШАЧКА ПАТЕКА НА ГОЛЕМ РИД

Деновиве, Општина Бутел ја заврши новата пешачка патека во населенето место Голем Рид. Всушност, станува збор за патека долга 200 м. од бекатон плочки, што ова населено место го поврзува со третиот влез на населбата Радишани.

Изведувач на работите е ОСД ДООЕЛ Скопје, а средствата во висина од 419,000 ден. се обезбедени од буџетот на Општина Бутел.###

 

РЕКОНСТРУКЦИЈА НА КАЧАНИЧКИ ПАТ

Општина Бутел ја започна реконструкцијата на дел од Качанички Пат. Станува збор за најоштетениот дел од околу 230 м. и широчина од 7 м. во близина на бензиската пумпа на Макпетрол.

На овој фрекфентен дел во индустриската зона во Визбегово ќе бидат изградени и тротоари, а ќе бидат поставени и 20 канделабри со 20 штедливи, натриумови светилки.

Градежните работи ги изведува ,,Филип Инженеринг,, од Скопје.

Средствата во висина од 3 291 000 ден. се обезбедени од буџетот на Општина Бутел.###

  

ПРВООДДЕЛЕНЦИТЕ ВО СВЕТОТ НА БАЈКИТЕ ДОБИЈА НОВОГОДИШНИ ПАКЕТЧИЊА

Денеска, среда, 26.12.2017 г. во големата сала на општина Бутел, се одржа новогодишната приредба за првоодделенците од седумте општински основни училишта.

По овој повод беше прикажана претставата ,, Во светот на бајките,, која кулминираше со доаѓањето на Дедо Мраз.

Градоначалникот Велимир Смилевски кој ги поздрави им подели  1000 пакетчиња на првоодделенците, им посака среќна нова 2019 година и весели божиќни празници. Се разбира, им посака и убаво да се одморат за време на зимскиот распуст, кој како што рече, посакува да им биде исполнет со игри и смеа.

           

300 УЧЕНИЦИ ДОБИЈА НОВИ ЈАКИ

 

Денеска, понеделник, 24.12.2018 г. во Општина Бутел градоначалникот Велимир Смилевски им подели нови зимски јакни на 300 ученици  од социјално ранливи семејства од основните училишта во Општината.

Инаку, детските зимски јакни се донација од компанијата ,,Здравје Радово,,.

По овој повод градоначалникот Смилевски изјави дека за секоја пофалба се ваквите општествено корисни компании кои мислат на најмладите. Особено добредојдени се подароците во пресрет на новогодишните и божиќните празници кога дечињата се најрадосни. Во случајов, јакните ќе им бидат  добредојдени на учениците за време на зимскиот распуст, додаде градоначалникот Смилевски.

Општина Бутел доби уште една донација од невладината организација: ,,Македонски центар за граѓанско образование,, МЦГО во која има 100 јакни за возрасни, 100 дождовни мантили и 50 носачи за бебиња, попознати како кенгури. Но, нивната распределба ќе биде направена по новогодишните празници.

 

                

СОЛАРКА И ПЛУГ ЗА УЛИЦИ БЕЗ СНЕГ

Општина Бутел за тековната зимска сезона набави една соларка и еден плуг за одржување на сервисните улици што се во надлежност на Општината.

Соларката со капацитет од 400 л. ќе биде монтирана на едно од двете мини камиончиња, а за плугот е предвиден багер, за кого постапката е завршена, и на кој ќе биде монтиран плугот за чистење снег.

Градоначалникот Велимир Смилевски истакна дека индустриска сол е набавена за чистење на сервисните улици. За монтирање на плугот се очекува да пристигне багерот. Се разбира багерот ќе го користиме и за чистење на ѓубре од дивите депонии, како и за реката Серава, додаде градоначалникот.

Соларката, плугот и багерот се набавени преку фирмата ,,Матранчи Холдинг,, од Желино, во вредност од 379 000,00 ден.  за соларката и плугот, а багерот чини 3.803.352 ден. Или вкупно: 4.182.352 ден.

Средствата се обезбедени од буџетот на Општина Бутел.

 

 

ПРЕЗЕНТАЦИЈА НА ПРОЕКТИТЕ ЗА ДВЕ НОВИ ГРАДИНКИ

Денеска, петок, 21.12.2018 г. во преполната сала на Општина Бутел,  беше извршена јавна презентација на основните проекти за новите градинки: ,,Бутел 2,, и ,,Св. Климент Охридски,,.

Презентацијата на проектите беше реализирана од страна на професорките од Факултетот за архитектура и дизајн на  Американ колеџот од Скопје: Виолета Бакалчев и Викторија Еремеева Наумовска, кои се овластени проектанти на ,,БХ Архитектс,, – Тетово и  ,,Монт Импекс Инженеринг,, –  Скопје.

Во оваа пригода градоначалникот Велимир Смилевски истакна дека ќе добиеме две нови современи градинки кои се проектирани согласно потребите на децата, кои ќе имаат кино сала, театар, базен и. т. н. Ова ќе бидат првите две градинки не само во Општината, туку и во Македонијакои кои ќе бидат проектирани и изградени според најсовремени стандарди, додаде градоначалникот Смилевски.